Bikin roti

Alkisah bang Jupri lagi asik nonton pertandingan bola tim kesayangannye di TV. Pas lagi asik-asik nonton, bininye, Juleha nyang bohai minta tulung.

Juleha: "Bang! bang!"
Jupri: "Iye gua kaga budek! Ade ape sih?"
Juleha: "Tulungin aye bang, aer kaga mau ngocor. Ledengnye romannye mampet. Aye mo masak kaga bisa nii..."
Jupri: "Ah muke gile luh! Benerin aer??? Emang gua PAM ape? Sono benerin ndiri! Jangan gangguin gua nonton bola napa!?"

Juleha diem, dan balik lagi ke dapur.... Ga lama kemudian, ternyata listrik mati. Walhasil panik dah tu bang Jupri lantaran tontonannye mandek, mana udeh deket penghabisan lagi...

Juleha: "Bang! bang! Listriknye mati nih. Kayanye sikring korslet. Tulungin benerin dong...."
Jupri: "Eh buset dah! Benerin sikring???!?? Emang gua PLN ape? Udeh benerin ndiri sono! Gua mo ke rumah si Duloh nonton bola!!"

Maka pergi deh tu bang Jupri, ninggalin bininye Juleha nyang ngedeprok sesenggukan di pojok teras....

Kelar nonton bola, bang Jupri heran ngeliat listrik rumahnye udeh nyala, plus suara aer ngocor lancar. Die langsung nanya bininye.

Jupri: "Eh leha? Ni listrik ame aer udeh bener, siape nyang benerin??"
Juleha: "Iye bang, tadi waktu aye nangis ade laki ganteng lewat. Trus nawarin benerin listrik ame aer. Cuman die minta imbalan.
Jupri: "Hah? Imbalan..."
Juleha: "Iye. Die minta aye bikinin die roti nyang enak, atau becinte (ML) sama die bang.."
Jupri: "Te...terus... lu milih bikinin die roti pan?? Iye pan...?"

Juleha: ".... HAH? BIKIN ROTI??? EMANG ABANG PIKIR AYE HOLLAND BAKERY???" (kaskus)

Posted in: Dewasa